Heimild: Stöð 2 Sport
„Mér hefur fundist hann vera þungur, ekki í því standi sem hann hefur verið í undanfarin ár,"
Jökull Elísabetarson.
Stjarnan og þjálfarinn Jökull Elísabetarson fá gagnrýni í Stúkunni á Stöð 2 Sport. Lárus Orri Sigurðsson sérfræðingur þáttarins talar um að líkamlegt ástand liðsins virðist ekki vera í lagi.
Nefndi hann þar markaskorarann Emil Atlason sem dæmi en hann hefur ekki fundið sig í byrjun móts, frekar en Stjörnuliðið í heild sem hefur tapað gegn Víkingi og KR.
Nefndi hann þar markaskorarann Emil Atlason sem dæmi en hann hefur ekki fundið sig í byrjun móts, frekar en Stjörnuliðið í heild sem hefur tapað gegn Víkingi og KR.
„Ég spurði góðan Stjörnumann að því fyrir mót hvernig ástandið væri á Emil. Mér hefur fundist hann vera þungur, ekki í því standi sem hann hefur verið í undanfarin ár," segir Lárus í þættinum.
„Þessi maður sagði mér að undirbúningstímabilið hefði verið öðruvísi en hefðbundið undirbúningstímabil og það ætti bara eftir að koma í ljós hvernig staðan á liðinu væri. Það var lítið tempó í þeim í leiknum gegn Víkingi og KR-ingar hreinlega hlupu yfir þá í seinni hálfleik."
„Það er ýmislegt sem bendir til þess að þeir séu ekki í eins góðu standi og þeir ættu að vera í."
Einnig er rætt um tilraunastarfssemi Stjörnunnar á undirbúningstímabilinu og Albert Brynjar Ingason segir Jökul hafa gert mikil mistök í undirbúningi fyrir mótið.
„Ekkert lið hefur valdið mér meiri vonbrigðum heldur en Stjarnan," segir Guðmundur Benediktsson, umsjónarmaður þáttarins.
Athugasemdir
