Kristall Máni Ingason, leikmaður Víkings, átt viðburðarríkan dag í Bestu deildinni í dag er liðið tapaði fyrir Breiðabliki, 3-0. Hann vildi þá minna Breiðablik á eitt.
Þessi hæfileikaríki leikmaður hefur spilað vel í Bestu deildinni í byrjun leiktíðar en liðið hans hefur ekki verið eins duglegt við að safna stigum og vonast var eftir.
Eftir markalausan fyrri hálfleik náðu Blikar að skora þrjú mörk í seinni hálfleik og vinna sjötta leik sinn af sex mögulegum í Bestu deildinni í sumar.
Kristall var síðan rekinn af velli undir lokin er hann gaf Davíð Ingvarssyni olnbogaskot.
Hann mætti á Twitter og vildi minna Blika á að hann hefur unnið jafna marga titla og félagið. Blikar unnu deildina árið 2010 og bikarinn árið áður en Kristall vann einmitt tvöfalt á síðasta ári.
„Fyrsta rauða spjaldið í Bestu deildinni enn slökum á Blikar ég er ennþá með jafn marga titla og þið," sagði Kristall á Twitter.
Fyrsta rauða spjaldið í bestu deildinni🤦🏼♂️ enn slökum á Blikar ég er enþa með jafn marga titla og þið pic.twitter.com/0Coj2MJEkE
— Kristall Máni Ingason (@KristallMani) May 16, 2022
Athugasemdir