Enric Gallego, framherji Getafe í spænsku úrvalsdeildinni, er með allt annan bakgrunn en aðrir leikmenn í deildinni. Gallego er 33 ára gamall en hann varð ekki atvinnumaður í fótbolta fyrr en mánuði fyrir 32 ára afmælisdaginn sinn!
Gallego hefur lengst af á ferlinum spilað í spænsku C og D-deildinni og á þeim tíma var hann aldrei atvinnumaður að fullu. Hann hefur meðal annars starfað sem smiður og vörubílstjóri samhliða því að spila í neðri deildunum á Spáni.
Gallego hefur lengst af á ferlinum spilað í spænsku C og D-deildinni og á þeim tíma var hann aldrei atvinnumaður að fullu. Hann hefur meðal annars starfað sem smiður og vörubílstjóri samhliða því að spila í neðri deildunum á Spáni.
Eftir 18 mörk í fyrstu 19 leikjunum með Cornellà í spænsku C-deildinni tímabilið 2017/2018 krækti Extremadura í Gallego. Extremadura var einnig í spænsku C-deildinni en í harðri toppbaráttu og endaði á að fara upp í B-deildina vorið 2018.
Í kjölfarið var öllum leikmönnum Extremadura boðið atvinnumannasamningar og þá varð Gallego í fyrsta skipti atvinnumaður.
Ævintýri hans enduðu ekki þar því í janúar á þessu ári keypti Huesca hann í sínar raðir á 1,75 milljón punda. Huesca var í fallbaráttu í La Liga og þrátt fyrir fimm mörk frá Gallego síðari hluta tímabilsins varð fall niðurstaðan hjá liðinu.
Frammistaða Gallego vakti hins vegar athygli og Getafe borgaði 5,2 milljóna punda riftunarverð í samningi hans hjá Huesca.
Hinn 33 ára gamli Gallego spilar nú með Getafe í La Liga og í Evrópudeildinni, einungis einu og hálfu ári eftir að hann varð atvinnumaður í fótbolta. Mögnuð saga!
Athugasemdir