Emilía skoraði þegar Nordsjælland varð bikarmeistari

Liðin voru að berjast mikið á þessari leiktíð en Nordsjælland vann einnig deildina eftir jafntefli gegn Bröndby í lokaumferðinni.

Emilía Kiær Ásgeirsdóttir var í byrjunarliði Nordsjælland og Hafrún Rakel Halldórsdóttir var í byrjunarliði Bröndby en Kristín Dís Árnadóttir á bekknum.

Staðan var markalaus í hálfleik en Emilía kom Nordsjælland yfir eftir um klukkutíma leik. Nordsjælland náði að bæta öðru markinu við áður en Bröndby klóraði í bakkann en nær komust þær ekki.