Guðný Árnadóttir.
Guðný Árnadóttir lék sinn fyrsta leik á stórmóti þegar Ísland spilaði við Frakkland í lokaleik sínum á EM 2022 í gærkvöld.
Guðný, sem hefur verið að stíga upp úr meiðslum, var að spila sinn fyrsta fótboltaleik í um tvo mánuði.
Guðný, sem hefur verið að stíga upp úr meiðslum, var að spila sinn fyrsta fótboltaleik í um tvo mánuði.
Lestu um leikinn: Ísland 1 - 1 Frakkland
„Þetta er svekkjandi," sagði Guðný eftir leik, þegar ljóst var að Ísland kæmist ekki áfram í átta-liða úrslit.
„Við erum að spila á móti góðum þjóðum og töpum ekki leik. Þetta er ógeðslega svekkjandi. Við hefðum viljað vinna leik, en við getum samt gengið stoltar frá borði."
Guðný segist hafa verið stressuð í byrjun leiks. „Ég var smá stressuð í byrjun, en það er geggjað að spila með þessum stelpum og manni líður vel. Það kom mér smá á óvart að byrja en ég var tilbúin samt. Þetta var geggjað tækifæri."
„Fyrir fram þá hugsaði ég að ég hafði ekki verið að spila (lengi) en svo þegar maður byrjar að spila er þetta alltaf eins."
Hægt er að sjá allt viðtalið hér að ofan.
