Þessa stundina er í gangi leikur Southampton og Aston Villa í ensku úrvalsdeildinni en rétt undir lok fyrri hálfleiks þurfti dómari leiksins að stöðva leikinn og kalla leikmenn inn til búningsherbergja.
Þegar gestirnir voru að fara taka aukaspyrnu sást dróni fljúga yfir vellinum, bakvið markið sem Aston Villa er að sækja í átt að.
Dómarar leiksins ræddu atvikið við leikmenn og þjálfara. Niðurstaðan var sú að kalla leikmenn inn til búningsherbergja í óákveðinn tíma.
Staðan var 0-0 þegar Michael Salisbury, dómari leiksins, stöðvaði leikinn.
Uppfært: Leikurinn er hafinn á ný.
Athugasemdir
