Fjölnir og HK mætust í hörkuleik í 11. umferð Lengjudeildar kvenna í kvöld. HK fór með 0-1 sigur af hólmi í baráttu leik, Magðalena Ólafsdóttir var fyrliði HK í kvöld og hafði þetta að segja um leikinn,
„Heyrðu, bara geggjaður, gott að fá útisigur á móti Fjölni, sterku liði, bara geggjað".
Lestu um leikinn: Fjölnir 0 - 1 HK
„Við ætluðum náttúrulega klárlega bara alltaf að spila okkar leik, sem er að spila fótbolta og halda í boltann. Það var svona pínu erfitt út af aðstæðum, mikil rigning og þungur völlurinn en mér fannst við bara klára þetta vel." sagði Magðalena um uppleggið fyrir leikinn í kvöld.
Það voru ekki allir á sömu skoðun varðandi það hvort að markið sem Gabriella Lindsay Coleman skoraði á 62. mínútu og réði úrslitum en Bergur Daði Ágústsson dómari leiksins taldi markið vera löglegt þrátt fyrir að aðstoðardómarinn hafi flaggað rangstöðu. Magðalena vildi ekkert tjá sig um markið,
„Ég ætla ekki alveg að tjá mig um það en já ,já, maður treystir dómaranum bara fyrir því.", sagði Magðalena.
Viðtalið má sjá í heild sinni í spilaranum hér að ofan.