Dokara sagði að Guðjón Þórðarson, þjálfari liðsins, hefði rekið sig og ekki gefið ástæðu fyrir því. Hann eyddi svo færslunni nokkrum mínútum síðar, en eitthvað upp á milli Emir og Guðjóns.

Ólsarar segja það ekki rétt að Emir hafi verið rekinn úr félaginu, en hann er kominn í ótímabundið leyfi.

„Stjórn knattspyrndeildar Víkings Ó. hefur í samráði við Emir Dokara, leikmann félagsins, og Guðjón Þórðarson, þjálfara félagsins, ákveðið að Emir Dokara fari í ótímabundið leyfi frá félaginu," segir í yfirlýsingunni.

„Emir er áfram leikmaður félagsins og fréttir sem benda til annars eru ekki réttar. Félagið mun ekki tjá sig nánar um málið."

Víkingur Ólafsvík er í tíunda sæti Lengjudeildarinnar eins og er. Liðið mætir Vestra á sunnudag.

„Það er erfiður róður hjá félaginu okkar um þessar mundir og í mörg horn að líta. Nú er framundan það vandasama verkefni að snúa gengi sumarsins við og biðlum við til okkar frábæru stuðningsmanna að styðja liðið áfram í blíðu og stríðu."

Emir hefur spilað með Víkingi síðan 2011 og gegnt hluverki fyrirliða. Emir verður 34 ára í september. Hann hefur spilað níu leiki í deild og bikar í sumar og skorað eitt mark. Hann spilaði allan leikinn í 6-1 tapi gegn Keflavík fyrr í vikunni.