Noregur: Ingibjörg í bikarúrslit eftir sigur gegn Fríðu

Vålerenga er komið í bikarúrslitaleikinn í Noregi eftir 4-0 sigur á Avaldsnes í undanúrslitum í dag.

Um Íslendingaslag var að ræða og byrjaði Ingibjörg Sigurðardóttir í liði Vålerenga á meðan Hólmfríður Magnúsdóttir byrjaði á bekknum hjá Avaldsnes. Ingibjörg lék allan leikinn.

Staðan var 3-0 í hálfleik og á 50, mínútu gerði Dejana Stefanovic út um leikinn með fjórða marki Vålerenga.

Vålerenga, sem er í toppsæti norsku deildarinnar, mætir LSK í bikarúrslitum eftir þrjár vikur.