Jonathan Moss er einn af þremur úrvalsdeildardómurum sem eru hættir störfum eftir tímabilið.
Hann dæmdi 4-1 sigur Leicester gegn Southampton í lokaumferðinni um helgina og fékk kveðjugjöf frá Kasper Schmeichel og Jamie Vardy, leikmönnum Leicester.
Það fylgir dómarastarfinu að vera umdeildur og átti það einnig við um Moss, sem hefur bæði sent Schmeichel og Vardy snemma í sturtu með rautt spjald á ferlinum.
Þeir endurlaunuðu honum greiðann með kveðjugjöfinni þar sem þeir afhentu honum merkta Leicester treyju.
Í stað þess að þakka Moss fyrir vel unnin störf ákváðu þeir að þakka honum fyrir að leggja flautuna á hilluna. „Takk fyrir að hætta störfum," stendur aftan á treyjunni
Schmeichel er augljóslega að grínast en svipurinn á Vardy segir sína sögu.