Franski miðjumaðurinn Jeff Reine-Adelaide er á leið til spænska félagsins Sevilla frá Lyon.
Reine-Adelaide, sem er 25 ára gamall, fór ungur að árum til Arsenal á Englandi og spilaði þar átta bikarleiki, en náði aldrei að festa sig í sessi og yfirgaf félagið árið 2018.
Hann hefur verið á mála hjá Lyon í Frakklandi síðustu þrjú ár en gengið í gegnum erfið meiðsli og því spilað minna en hann vildi.
Á þessu tímabili hefur hann að mestu haldist meiðslafrír en ekki verið í stóru hlutverki.
Lyon hefur samþykkt að lána hann til spænska félagsins Sevilla út þessa leiktíð og á félagið möguleika á að kaupa hann fyrir 12 milljónir evra í sumar.
Sevilla hefur gengið brösuglega á tímabilinu. Liðið er í 15. sæti með 18 stig eftir fyrstu átján leikina.
Athugasemdir