Það fóru fram leikir í Kjarnafæðismóti kvenna um helgina og er það ljóst eftir helgina að Þór/KA og Tindastóll munu mætast í úrslitaleik um sigur í mótinu.
Tindastóll vann 6-1 sigur á Fjarðbyggð/Hetti/Leikni í gær. Murielle Tiernan gerði fernu fyrir Tindastól og voru Dominique Bond-Flasza og Laufey Harpa Halldórsdóttir einnig á skotskónum fyrir Stólana.
Þá vann Þór/KA 4-0 sigur á Hömrunum í dag og gerði Ísföld Marý Sigtryggsdóttir, fædd 2004, tvennu fyrir Þór/KA.
Þór/KA er á toppnum með níu stig og Tindastóll með sex stig í öðru sæti. Tindastóll þarf að vinna Þór/KA með þremur mörkum að minnsta kosti í lokaleiknum á föstudag til að vinna mótið. Annars vinnur Þór/KA það.
Hamrarnir 0 - 4 Þór/KA
0-1 Ísfold Marý Sigtryggsdóttir
0-2 Ísfold Marý Sigtryggsdóttir
0-3 Karen María Sigurgeirsdóttir
0-4 Sandra Nabweteme
Tindastóll 6 - 1 Fjarðab/Höttur/Leiknir
Mörk Tindastóls: Murielle Tiernan 4, Dominique Bond-Flasza og Laufey Harpa Halldórsdóttir.
Athugasemdir