Ítalska félagið Brescia ver ummæli Massimo Cellino, forseta félagsins, sem hann lét falla um Mario Balotelli.
Cellino var eigandi Leeds frá 2014 til 2017 áður en hann keypti Brescia.
Hann fékk Mario Balotelli á frjálsri sölu í sumar en Balotelli hefur átt erfitt uppdráttar í byrjun tímabils og situr liðið í neðsta sæti deildarinnar.
Cellino var spurður út í Balotelli og svaraði á fremur furðulegan hátt sem vísuðu í kynþáttafordóma.
„Hvað get ég sagt? Hann er svartur. Hann er að vinna í sjálfum sér en er að eiga smá erfitt," sagði Cellino.
Ummælin hafa vakið mikla athygli og umræðu en Brescia sendi frá sér tilkynningu og sagði að forsetinn hafi verið að grínast með þessum orðum sínum.
Balotelli var ekki í hópnum hjá Brescia gegn Roma um helgina eftir rifrildi við Fabio Grosso, þjálfara liðsins, en þá hefur Balotelli verið orðaður við Galatasaray og Hellas Verona.
I'm actually speechless. Brescia president Massimo Cellino asked what's wrong with Mario Balotelli: “What can I tell you? He's black and he is working on clearing himself”pic.twitter.com/Krw7VxxRFr
— Andrew Cesare (@AndrewCesare) November 25, 2019
Athugasemdir