Þetta kemur fram á vef breska ríkisútvarpsins en þar er fjallað um það að fimm mæður séu í íslenska liðinu, meira en í nokkru öðru liði í keppninni sem er á næsta leyti.

Sara Björk Gunnarsdóttir er nýjasti meðlimurinn í mæðrahópi landsliðsins.

„Það gerir mikið fyrir mann að vera með fyrirmyndir sem eignast barn og koma til baka; eru enn í landsliðinu," segir Sara í samtali við BBC.

„Við förum öll í gegnum okkar eigin reynslu en þær veittu mér innblástur og það ætti að veita öðrum konum innblástur."

Hinar mæðurnar í hópi okkar liðs eru Dagný Brynjarsdóttir, Elísa Viðarsdóttir, Sandra Sigurðardóttir og Sif Atladóttir.

Hægt er að lesa grein BBC með því að smella hérna.