Barcelona vill Díaz frá Liverpool - Úlfarnir skoða markverði - City til í að hlusta á tilboð í Grealish
   lau 26. nóvember 2022 22:14
Jóhann Þór Hólmgrímsson
Lýsing Gunnars á marki Messi vekur heimsathygli
Mynd: Fótbolti.net - Hafliði Breiðfjörð
Gunnar Birgisson lýsti leik Argentínu og Mexíkó í kvöld. Lionel Messi kom Argentínu yfir en Gunnar lýsti markinu af mikilli innlifun.

Argentína spilaði ekki vel í fyrri hálfleik en það var markalaust eftir fyrstu 45 mínúturnar.

Messi braut ísinn á 64. mínútu þegar hann skoraði með glæsilegu skoti fyrir utan vítateiginn.

Um leið og hann skoraði fór Gunnar að öskra nafn Messi nokkrum sinnum áður en hann endaði á því að segja; „Það kom enginn annar til greina. Hann var búinn að skrifa þetta handrit."

Þetta hefur vakið heimsathygli og hefur vefsíðan Reddit sett inn myndband af lýsingunni á heimasíðu sína en þar er mikil umferð af fólki.

Það er eftirminnilegt þegar Gummi Ben varð vinsæll út um allan heim fyrir lýsinguna sína á EM 2016.


Athugasemdir
banner
banner
banner