Manchester City vann 5-0 stórsigur á Burnley á heimavelli í dag. Mörkin fimm eru einn þriðji þeirra marka sem City hefur skorað í deildinni á leiktíðinni (5 af 15).

Riyad Mahrez skoraði þrennu í leiknum og er það í annað sinn sem leikmaður frá Afríku skorar þrennu fyrir Manchester City, Yaya Toure gerði það árið 2014.

Benjamin Mendy skoraði sitt fyrsta mark fyrir City en hann gekk í raðir City frá Mónakó sumarið 2017. Ferran Torres skoraði þá sitt fyrsta deildarmark með City.

Bailey Peacock-Farrell lék í marki Burnley í dag vegna meiðsla Nick Pope. Yfirburðir City voru miklir en liðið hélt boltanum í tæplega 70% þess tíma sem boltinn var í leik. City er komið með fimmtán stig, sex stigum minna en topplið Liverpool og City á leik til góða.