Lestu um leikinn: FH 4 -  3 HK

Gyrðir skoraði tvö mörk í leiknum og fylgdi með þeirri frammistöðu á eftir frammistöðunni gegn ÍBV í síðasta leik á undan þar sem hann bæði skoraði og lagði upp. Það eru hans tveir byrjunarliðsleikir í deildinni á tímabilinu.

„Gyrðir hefur gert það sem að við vonuðumst eftir þegar við fengum hann. Bara flottur strákur og alltaf staðið sína vakt þegar við höfum kallað á hann," sagði Heimir Guðjónsson, þjálfari FH, eftir leikinn í gær.

Gyrðir er 24 ára fjölhæfur leikmaður sem gekk í raðir FH frá Leikni í vetur. Hann er uppalinn hjá KR en spilaði sinn fyrsta keppnisleik með meistaraflokki sumarið 2019 með Leikni þar sem hann lék svo í fjögur tímabil.