Agnar í leik með Gróttu 2018.
Þróttur Vogum, topplið 2. deildar, hefur fengið Agnar Guðjónsson á láni frá Gróttu.
Agnar er 24 ára gamall kantmaður sem hefur aðeins komið við sögu í einum leik með Gróttu í Lengjudeildinni í sumar.
Í fyrra spilaði hann með Kríu í 4. deildinni og skoraði þá fimm mörk í 11 leikjum. Hann hefur alls spilað 93 keppnisleiki í meistaraflokki og skorað í þeim 13 mörk.
Hann kemur til með að auka breiddina í liði Þróttar sem er með þriggja stiga forskot á toppi 2. deildar.
Hann gæti spilað með Þrótti gegn Haukum í næstu viku, á föstudag.
Fótbolti.net er með beina lýsingu frá gluggadeginum en hægt er að nálgast hana hérna.
Athugasemdir
