30.05.23 - 12:16
Guðmundur Aðalsteinn Ásgeirsson
Drátturinn í Mjólkurbikar kvenna: Aftur risaleikur í Þróttheimum
Þróttarar fá Breiðablik í heimsókn.
Mynd: Fótbolti.net - Jónína Guðjörg Guðbjartsdóttir
Þróttarar fá Breiðablik í heimsókn.
Mynd: Fótbolti.net - Jónína Guðjörg Guðbjartsdóttir
Dregið var í 8-liða úrslit Mjólkurbikars kvenna í hádeginu í höfuðstöðvum KSÍ. Sjö lið úr Bestu deildinni voru í pottinum og auk þeirra var topplið Lengjudeildarinnar, Víkingur, í pottinum.
Þróttur sló út ríkjandi meistaranna í 16-liða úrslitunum og fær aftur stórlið í heimsókn í bikarnum því Breiðablik verður andstæðingur liðsins í 8-liða úrslitunum.
Stjarnan fer til Keflavíkur, Víkingur fær Selfoss í heimsókn og FH-ingar fara til Vestmannaeyja.
8-liða úrslitin verða leikin dagana 15. og 16. júní.
Drátturinn:
Keflavík - Stjarnan
Þróttur R. - Breiðablik
Víkingur R. - Selfoss
ÍBV - FH
Drátturinn var í beinni textalýsingu hér á Fótbolta.net og er hægt sjá lýsinguna hér fyrir neðan.
Stjarnan fer til Keflavíkur, Víkingur fær Selfoss í heimsókn og FH-ingar fara til Vestmannaeyja.
8-liða úrslitin verða leikin dagana 15. og 16. júní.
Drátturinn:
Keflavík - Stjarnan
Þróttur R. - Breiðablik
Víkingur R. - Selfoss
ÍBV - FH
Drátturinn var í beinni textalýsingu hér á Fótbolta.net og er hægt sjá lýsinguna hér fyrir neðan.
Í beinni
12:10
Þá er ljóst hvaða lið mætast í átta-liða úrslitunum. Þetta verður áhugavert! Ég þakka samfylgdinga í þessari lýsingu.
Blikar mæta Þrótti í stórleiknum.
Blikar mæta Þrótti í stórleiknum.
12:10Keflavík - Stjarnan
Stjörnukonur fara Reykjanesbrautina.
12:09Þróttur R. - Breiðablik
Stórleikur!
12:09Þróttur fær heimaleik
Katie Cousins mætir upp til að draga.
12:08Víkingur R. - Selfoss
Eina Lengjudeildarliðið í pottinum tekur á móti Selfossi.
12:08Víkingur fær heimaleik!
12:07ÍBV - FH
ÍBV mun taka á móti FH. Aftur fer FH í ferðalag en Fimleikafélagið sló út FHL í Fjarðabyggðarhöllinni í gær.
12:07ÍBV er fyrsta liðið upp úr pottinum!
12:05Stórt!
Klói kókómjólk sér um að draga. Þetta er stórt!
12:04
Birkir Sveins, hinn íslenski Marchetti, er mættur upp á svið og heldur smá ræðu.
12:01
Við förum að draga innan skamms.
12:00
Klukkan slær tólf og það er orðið fjölmennt í Laugardalnum. Fólk er að gæða sér á veitingum og spjalla saman.
11:40
Þá er undirritaður mættur í höfuðstöðvar KSÍ í Laugardalnum. Það eru alls konar flottar veitingar í boði Mjólkursamsölunnar. Fulltrúar frá liðunum munu láta sjá sig á næstu mínútum og svo förum við að hefja dráttinn.
Endilega fylgist með því!
Endilega fylgist með því!
10:27Nýtt nafn á bikarinn
Líkt og áður segir þá verður dregið klukkan 12:00. Það verður fróðlegt að sjá hvernig þetta mun dragast en það kemur nýtt nafn á bikarinn í ár eftir að Valur datt út.
Úr leik Þróttar og Vals.
Úr leik Þróttar og Vals.
10:23FH síðasta liðið áfram
FH vann svo 0-2 sigur gegn FH í síðasta leik 16-liða úrslitanna þar sem Margrét Brynja Kristinsdóttir og Hildigunnur Ýr Benediktsdóttir skoruðu mörkin.
Hildigunnur Ýr Benediktsdóttir.
Hildigunnur Ýr Benediktsdóttir.
10:22Selfoss, Keflavík og ÍBV áfram
Selfoss gerði góða ferð á Sauðárkrók og vann 0-1 sigur, Keflavík vann frábæran 2-0 sigur gegn Þór/KA og ÍBV vann Grindavík í vítaspyrnukeppni.
10:20Víkingur unnið alla sína leiki í sumar
Víkingur, sem er á toppi Lengjudeildarinnar, hefur unnið alla leiki sína til þessa í sumar en liðið vann 1-4 sigur á KR í 16-liða úrslitunum eftir að hafa lent 1-0 undir. Það var eini Lengjudeildarslagurinn í 16-liða úrslitum keppninnar.
10:19Stjarnan og Breiðablik unnu stórsigra
Fyrstu leikirnir á Laugardaginn enduðu í sannfærandi sigrum hjá tveimur af bestu liðum landsins. Breiðablik vann 7-0 heimasigur á Fram úr Lengjudeildinni og Stjarnan vann 1-9 sigur á Gróttu þar sem Úlfa Dís Kreye Úlfarsdóttir gerði fernu.
Breiðablik lagði Fram 7-0.
Breiðablik lagði Fram 7-0.
10:15
Leikur Þróttar og Vals var mikil skemmtun. Valur komst snemma yfir og var lengi í forystu, en Þróttur náði að snúa leiknum sér í vil í seinni hálfleik. Sæunn Björnsdóttir skoraði svo sigurmarkið seint.
"Ég er ánægður. Að vinna loksins Val á keppnistímabilinu er stórt fyrir liðið," sagði sáttur Nik Chamberlain, þjálfari Þróttar, eftir sigurinn Val.
"Ég er ánægður. Að vinna loksins Val á keppnistímabilinu er stórt fyrir liðið," sagði sáttur Nik Chamberlain, þjálfari Þróttar, eftir sigurinn Val.
10:12Það sem var stærst í þessu
Íslands- og bikarmeistarar Vals féllu úr leik í 16-liða úrslitunum á móti Þrótti Reykjavík á sólríku laugardagskvöldi í Laugardalnum.
Þróttur R. 2 - 1 Valur
0-1 Haley Lanier Berg ('5 )
1-1 Freyja Karín Þorvarðardóttir ('78 )
2-1 Sæunn Björnsdóttir ('88 )
Lestu um leikinn
Maður leiksins: Katie Cousins (Þróttur R.)
Þróttur R. 2 - 1 Valur
0-1 Haley Lanier Berg ('5 )
1-1 Freyja Karín Þorvarðardóttir ('78 )
2-1 Sæunn Björnsdóttir ('88 )
Lestu um leikinn
Maður leiksins: Katie Cousins (Þróttur R.)
10:11Góðan og gleðilegan daginn!
Hér munum við fylgjast vel með drættinum í 8-liða úrslit Mjólkurbikars kvenna en athöfnin hefst í Laugardalnum klukkan 12:00.
Það var líf og fjör í 16-liða úrslitunum um helgina en þau kláruðust í gær.
Það var líf og fjör í 16-liða úrslitunum um helgina en þau kláruðust í gær.
