Xavi, sem er einn besti leikmaður í sögu félagsins, sneri aftur heim á Nou Camp fyrir tveimur árum eftir að hafa þjálfað Al Sadd í Katar.

Hann hefur náð góðum árangri með liðið og tókst að vinna deildina á þessari leiktíð.

Spánverjinn er nú nálægt því að ganga frá nýjum samningi við félagið en hann náði samkomulagi við félagið í mars og verður skrifað undir hann á næstu vikum.

„Þetta er 90 prósent klárt. Það verða engin vandamál og get ég staðfest að við erum afar nálægt því að ganga frá þessu,“ sagði Xavi.