Fullt nafn: Kristján Flóki Finnbogason

Gælunafn sem þú þolir ekki: Ég var stundum kallaður Ísland þegar ég bjó í köben, mér fannst það ekkert óþolandi en kannski soldið skrítið

Aldur: 20

Giftur/sambúð: Nei

Börn: Vonandi einn daginn

Kvöldmatur í gær: Pizza á Eldsmiðjunni

Uppáhalds matsölustaður: KFC

Hvernig bíl áttu: Bíllaus

Besti sjónvarpsþáttur: Horfi lítið á þætti en einu sinni horfði ég á Prison Break og ég gat ekki hætt

Uppáhalds hljómsveit: Það breytist daglega, á venjulegum degi er það aðalega John Mayer, The Cure, Arctic Monkeys, Kanye West og Red Hot Chili Peppers en þegar helgin nálgast þá taka við Avicii, Pitbull, Basshunter og fleirri en svo er ég einnig mjög hrifinn af bæði Íslenskri tónlist og þá er helst að nefna Jón Og Friðrik Jónssyni

Uppáhalds skemmtistaður: American Bar hrikalega flottur staður

Frægasti vinur þinn á Facebook: Ætli það sé ekki Jón Jónsson eða jafnvel Rúrik Gíslasson

Hvernig hljómar síðasta sms sem þú fékkst: Áfylling 5 GB. Staðan er 5 GB

Hefurðu tekið dýfu innan teigs: Nei, væri alltaf að því ef ég kynni að dýfa mér en ég er hræddur um að það myndi líta kjánalega út ef ég myndi reyna það

Hvaða liði myndir þú aldrei spila með: Breiðablik

Besti leikmaður sem þú hefur mætt: Munir El Haddadi

Mest óþolandi leikmaður sem þú hefur mætt: Enginn

Sætasti sigurinn: Ótrúlegt þegar við unnum Real Madrid í riðlakeppni U19 Champions League. Lentum 1-2 undir en kláruðum leikinn 3-2. Leiðinlegt reyndar að ég var í banni í þessum leik.

Mestu vonbrigðin: Kæruleysisleg frammistaða hjá okkur í U19 ára landsliðinu í milliriðlinum fyrir EM á Írlandi á síðasta ári

Uppáhalds lið í enska: Ekkert

Ef þú fengir að velja einn leikmann úr öðru íslensku liði í þitt lið: Ég hef hrikalega gaman af Sindra Björnssyni, væri til í að hafa hann hjá mér

Fyrsta verk ef þú yrðir formaður KSÍ: Kynna mér hvað formaður KSÍ gerir

Efnilegasti knattspyrnumaður landsins: Adam Örn Arnarsson er næsti Ivanovic

Fallegasti knattspyrnumaðurinn í deildinni: Erfitt að velja á milli Davíð Kristjáns í Breiðablik og Róberts Arnar í FH báðir hrikalega fallegir og einnig með stílinn á hreinu

Fallegasta knattspyrnukonan: Elín Metta

Besti íþróttalýsandinn: Er það ekki Gummi Ben

Hver er mesti höstlerinn í liðinu: Böðvar Böðvarsson og Eggert Georg Tómasson

Uppáhalds staður á Íslandi: Stjörnutorg í Kringlunni

Segðu okkur frá skemmtilegu atviki sem gerst hefur í leik: FH - KR í 2.fl ég misreiknaði veðrið, eftir 10 mínútna leik er ég að kafna úr hita fer að hliðarlínunni til þess að klæða mig úr innanundir treyjunni sem ég var í, í miðjum gjörðum gefur Einar Karl boltann óvænt á mig og ég tek við boltanum ber að ofan og með treyjuna í höndinni. Dómarinn stoppar leikinn og gefur mér gult spjald. 5 mínútum síðar fékk ég seinna gula spjaldið mitt fyrir öxl í öxl.

Hvenær lékstu þinn fyrsta leik með meistaraflokki: 2012

Besta við að æfa fótbolta: Sigurvíman og tilfinningin þegar spilið gengur vel

Hvenær vaknarðu á daginn: 7:50

Fyrir utan knattspyrnu, fylgist þú með öðrum íþróttum: Nei

Hvenær borgaðir þú þig síðast inn á knattspyrnuleik: Eini leikurinn sem ég man eftir að hafa borgað mig inná þó svo að ég sé viss um að ég hafi ekki borgað úr eigin vasa er Blackburn Liverpool 2004 á Ewood Park en ég hef örugglega borgað mig inn á leik síðan þá þó svo að ég muni ekki eftir því

Í hvernig fótboltaskóm spilar þú: Var að fá mér Adidas 11pro vona að þeir séu málið annars er ég mjög hrifinn af gömlu týpunni af Adidas Predator

Í hverju varstu/ertu lélegastur í skóla: Mjög góður í auðveldri rúmfræði

Vandræðalegasta augnablik: Vandræðalegt hvað ég hef fengið mörg rauð spjöld á ævinni

Skilaboð til Lars og Heimis: Nei

Viltu opinbera leyndarmál að lokum: Pass