„Við erum fullir sjálfstrausts, við förum með sama hugarfari í alla leiki," segir Rúrik Gíslason, leikmaður íslenska landsliðsins. Ísland leikur á föstudag við Noreg í fyrsta leik sínum í undankeppni HM.
„Ég vona að hægt sé að gera kröfur á íslenska landsliðið og ég finn miklu meiri jákvæðni í kringum liðið. Vonandi förum við að gefa aðeins meira af okkur en við höfum gert."
Aron Einar Gunnarsson, fyrirliði, er herbergisfélagi Rúriks með landsliðinu.
„Aron þrífst á athyglinni. Hann var að leika í myndbandi fyrir MC Gauta og stóð sig eins og hetja. Hann sést þarna í eina og hálfa sekúndu held ég," segir Rúrik.
Viðtalið við Rúrik má sjá í heild sinni í sjónvarpinu hér að ofan en þar ræðir hann meðal annars um sambúð sína og Arons og vistaskipti sín en hann gekk í raðir FC Kaupmannahafnar í vikunni.
