Hallgrímur Mar, kantmaður KA, varð að sætta sig við að byrja á bekknum í 0-5 sigri KA á Hetti í dag, en var hann ósáttur við það?
„Hvað heldur þú? En já, svona er þetta, þjálfarinn valdi liðið og ég kom inn á og skoraði og lagði upp þannig ég gerði allavega eitthvað.“
Lestu um leikinn: Höttur 0 - 5 KA
KA fékk sitt annað víti í leiknum alveg undir lok leiks en fyrr í leiknum hafði Danijel Djuric tekið víti og skoraði. Hallgrímur tók seinna vítið þrátt fyrir að Danijel hafi ennþá verið inn á, er Hallgrímur vítaskyttan eða?
„Ég held það allavega, það er ekki búið að gefa það út en ég var að hugsa hvort ég ætti að leyfa honum að taka það en hann var farinn þannig ég fann það svona á mér að hann vildi bara að ég myndi taka það.“
„Þeir lögðu náttúrulega mikið upp með að liggja til baka og það er oft erfitt að brjóta svoleiðis varnir niður en við náðum því sem betur fer nokkuð snemma og náðum að setja nokkur mörk sem er alltaf gott.“
Viðtalið í heild sinni má sjá í spilaranum hér að ofan.
