„Fótboltaleikur snýst um það að ná í þrjú stig,“ sagði Páll Viðar Gíslason eftir 1-0 heimasigur á Fjölni á Þórsvellinum í dag. „Við fengum þrjú stig í dag, þrátt fyrir það að mörgum líði eins og við höfum tapað 6-0. Við áttum ekki góðan leik, það er bara þannig.“
Lestu um leikinn: Þór 1 - 0 Fjölnir
„Auðvitað á maður ekkert að vera fúll að vera skrefi nær næsta markmiði okkar sem er að vinna deildina. Samt er þetta eitthvað að pirra mann sem vonandi fer fljótt úr okkur.“
„Þór er með tvo bestu markmennina, að minnsta kosti í 1. deild og ef ekki þó við myndum líta ofar. Það er ekkert flóknara en það. Svo heppilega vill til fyrir mig og Þór að þeir eru í sama félaginu.“
„Ég viðurkenni það að ég er mjög skotinn í þessum leikmönnum (Josh og Chuck) og við erum búnir að vera ánægðir með það sem við höfum séð til þeirra.“
Nánar er rætt við Pál í sjónvarpinu hér fyrir ofan
