Toni Kroos gekk úr viðtali við þýska sjónvarpsstöð eftir úrslitaleik Meistaradeildarinar.
Kroos spilaði allan leikinn þegar Real Madrid vann 1-0 sigur gegn Liverpool í úrslitaleiknum.
Þetta er í fimmta sinn sem Kroos vinnur Meistaradeildina með spænska stórveldinu. Eftir leik var hann hins vegar ósáttur þegar hann ræddi við þýskan fréttamann; hann var ekki sáttur með spurningarnar sem hann fékk.
Fréttamaðurinn spurði hvort það hefði komið Kroos á óvart að Liverpool hefði verið með svona mikla yfirburði og pressað svona mikið á þá.
„Þú fékkst 90 mínútur og þú kemur með svona tvær ömurlegar spurningar," sagði Kroos.
„Tvær neikvæðar spurningar, það er augljóst að þú ert þýskur."
Kroos gekk svo út úr viðtalinu og hélt áfram að fagna með liðsfélögum sínum.
Athugasemdir