Kyle McLagan varnarmaður Fram

Mynd: Fótbolti.net - Hafliði Breiðfjörð

„Þetta var erfiður leikur. Þeir gáfu okkur mikil vandræði í fyrri hálfleik og við vorum ekki að spila okkar besta leik en 1-0 í hálfleik og allt getur gerst. Í síðari hálfleik vorum við mun hugrakkari. Við vildum spila og fórum í maður á mann vörn um allan völl og þurftum að vinna okkar bardaga en í restina þá endum við með stig á erfiðum útivelli gegn góðu liði." Sagði Kyle McLagan varnarmaður Fram eftir leikinn í kvöld. 

„ Í fyrri hálfleik þá voru þeir að vanda okkur vandræðum í svæðunum sem þeir voru að finna. Ég held við vorum ekki að pressa þá nægilega vel, leikmennirnir sem fengu boltann voru að finna sendingar á milli línana og ná að snúa. Þessi svæði sem þeir voru að finna var að fara illa með okkur." 

„Í seinni hálfleik þá gáfum við Kennie grænt á að spila svolítið inni á miðju og við fórum í maður á mann vörn þar sem allir þurftu að vinna sín einvígi og það var kannski það sem breyttist. Við höfðum engu að tapa svo við mættum bara í barning." 

Kyle McLagan hefur verið að spila virkilega vel í upphafi tímabils fyrir Fram. 

„Já ég er að njóta þess að spila. Það að vera í miðjunni í fimm manna vörn, komandi tilbaka eftir meiðsli gefur mér smá öryggi.  Ég er að njóta þess að spila og þú færð nýja sýn á fótbolta eftir að hafa verið frá í heilt ár og ég hef gaman að því að vinna og spila fótbolta og það hefur verið svolítið þannig fyrstu sex umferðinar og vonandi getum við haldið því áfram og þetta verður skemmtilegt sumar." 

Nánar er rætt við Kyle McLagan í spilaranum hér fyrir ofan.