Guðmundur Kristjánsson fyrirliði Stjörnunnar

Mynd: Fótbolti.net - Hafliði Breiðfjörð

„Já mér finnst það [svekkjandi úrslit]. Við viljum alltaf þrjú stig hérna heima og mér fannst við eiginlega bara klaufar að hleypa þeim inn í þetta aftur. Ég hefði viljað þrjú stig, alveg klárt." Sagði Guðmundur Kristjánsson fyrirliði Stjörnunnar eftir leikinn í kvöld.

„Þeir stíga aðeins ofar og dúndra honum helvíti mikið langt og reyna að vinna seinni bolta og að lokum ná þeir krossi sem að þeir ná að skora úr. Einfallt en var effectívt núna að lokum." 

Það mátti heyra á Guðmundi að hann var ekki alveg nógu sáttur með markið sem Stjarnan fékk á sig. 

„Já ég veit það ekki. Ég á eftir að sjá það aftur bara en þegar það koma krossar þá getur oft verið svolítið kaos. Ef ég man rétt þá kemur kross og svo skallað fyrir aftur. Ég veit ekki nákvæmlega hvað gerist og ég verð bara að fá að skoða það aftur." 

Eftir jöfnunarmark Fram þá kom mikill kraftur í Stjörnunni en náðu ekki að koma inn sigurmarki. 

„Alveg klárt. Þeir náðu alveg helvíti mikið að henda sér fyrir skotin okkar þarna á síðustu stundu og redda sér þannig. Við vorum nálægt því oft og þetta var svolítið næstum þvi þarna." 

Nánar er rætt við Guðmund Kristjánsson fyrirliða Stjörnunnar í spilaranum hér fyrir ofan.