„Bara vonbrigði að vinna ekki.'' segir Árni Freyr Guðnason, þjálfari ÍR, eftir 1-1 jafntefli gegn Grindavík í annarri umferð Lengjudeildarinnar.
Lestu um leikinn: Grindavík 1 - 1 ÍR
„Mér fannst við miklu betri. Þeir skora bara mark og þá slökknaði aðeins á okkur og síðan fannst mér við vera með öll völd á leiknum alla tímann,''
ÍR koma inn í þessa deild sem nýliðar og eru með 4 stig eftir tvo leiki.
„Við áttum frábæran leik í síðustu viku og hann er bara búinn og það voru þrjú stig. Hefði viljað meira hérna, en fyrir mót þá held ég að við hefðum verið sáttir með stig og einn sigur. Ég sagði í viðtali fyrir mótið að mér finnst við geta unnið öll lið og þessu liði var spáð ofarlega og góðu gengi og Keflavík,''
„Þetta er sami hópur nánast og í fyrra, við bættum lítið við okkur. Við höfum bara mikla trú á strákunum og vonandi heldur þetta áfram.''
Það var vel mætt frá stuðningsmönnum ÍR í stúkuna.
„Þetta er alvöru menn, það er ljóst. Þeir eru búnir að hjálpa okkur, bæði ÍRingum í Keflavík og svo voru fleiri hérna. Við þurufm líka að sýna þeim að við séum skemmtilegir og góðir,'' segir Árni Freyr í lokinn.
Hægt er að horfa á viðtalið í heild sinni hér fyrir ofan.
