Valdi úrvalslið fyrsta fjórðungs ensku úrvalsdeildarinnar

Kristján Atli Ragnarsson, sérfræðingur útvarpsþáttarins Fótbolti.net, valdi úrvalslið ensku úrvalsdeildarinnar hingað til í þættinum á laugardaginn.

Fyrsta fjórðungsuppgjör tímabilsins var á dagskrá. Mohamed Salah, leikmaður Liverpool, var að sjálfsögðu valinn besti leikmaðurinn og Thomas Tuchel, stjóri Chelsea, er besti stjórinn.

Þegar kom að vali í liðið þá gat Kristján ekki gert upp á milli Ben Chilwell og Marcos Alonso sem hafa skipt með sér vinstri bakvarðarstöðunni og báðir verið frábærir.