Brasilíski varnarjaxlinn Thiago Silva, sem verður 42 ára í september, fær ekki nýjan samning hjá Portúgalsmeisturum Porto.
Thiago Silva gekk til liðs við félagið í janúar í tilraun til að vinna sér inn sæti í brasilíska landsliðshópnum fyrir heimsmeistaramótið.
Silva var ekki valinn í landsliðið og nú þarf hann að taka ákvörðun um framtíðina.
Ljóst er að miðvörðurinn hefur enn upp á margt að bjóða þrátt fyrir gríðarlega háan aldur fyrir útispilandi leikmann, enda var hann mikilvægur hlekkur í liði Fluminense í Brasilíu áður en hann skipti til Porto.
Silva sannaði að hann getur enn spilað 90 mínútur á háu gæðastigi þegar Porto mætti Stuttgart og Nottingham Forest í útsláttarkeppni Evrópudeildarinnar.
Silva spilaði allan tímann er Porto sló Stuttgart úr leik og tapaði svo naumlega fyrir Forest.
03.05.2026 07:30
Porto deildarmeistari í 31. sinn
