Fjögur lið eru að berjast um tvö síðustu Evrópusætin en af þeim er Celta Vigo í bestu stöðinni. Celta nægir jafntefli á heimavelli til að tryggja sér farmiða í deildarkeppni Evrópudeildarinnar.

Getafe er þremur stigum á eftir Celta og þarf sigur á heimavelli bæði til að tryggja sér sæti í Sambandsdeildina og til að eiga möguleika á Evrópudeildinni. Sigur hjá Getafe og tap hjá Celta yrði til þess að Getafe tæki sjötta sætið af þeim útaf betra gengi í innbyrðisviðureignum.

Rayo Vallecano og Valencia eiga möguleika á að stela Sambandsdeildarsætinu með sigrum í sínum viðureignum og hagstæðum úrslitum.

Að lokum eru sjö lið sem geta tæknilega séð ennþá fallið niður um deild þegar lokaumferðina ber að garði. Mallorca er neðst þessara liða, í næstneðsta sæti deildarinnar með 39 stig. Sevilla er efst liðanna, með 43 stig í 13. sæti.

Ljóst er að niðurstaða kvöldsins gæti reynst afar flókin ef þrjú lið eða fleiri enda með sama stigafjölda þar sem innbyrðisviðureignir telja framyfir markatölu.

Leikir kvöldsins
19:00 Girona - Elche
19:00 Valencia - Barcelona
19:00 Real Betis - Levante
19:00 Celta Vigo - Sevilla
19:00 Mallorca - Real Oviedo
19:00 Getafe - Osasuna
19:00 Espanyol - Real Sociedad
19:00 Alaves - Rayo Vallecano
19:00 Real Madrid - Athletic Bilbao