Pep Guardiola.
Í dag staðfesti Manchester City þær fréttir að Pep Guardiola, einn besti stjóri fótboltasögunnar, muni láta af störfum eftir lokaumferðina á sunnudaginn.
Guardiola segist hafa átt í miklum erfiðleikum með að ræða við leikmenn sína þegar hann tilkynnti ákvörðunina.
Guardiola segist hafa átt í miklum erfiðleikum með að ræða við leikmenn sína þegar hann tilkynnti ákvörðunina.
„Ræðan sem ég hélt var hreinasta hörmung, algjör hörmung. Ég var svo stressaður, meira en nokkru sinni fyrr," segir Guardiola.
Hann segir að hann muni nú taka sér frí frá þjálfun og ekki taka við öðru félagsliði strax.
Hann segist hafa fengið skilaboð frá fjölda einstaklinga en honum þyki sérstaklega vænt um að hafa fengið skilaboð frá Sir Alex Ferguson, sem er goðsögn hjá Manchester United sem sigursælasti stjóri í sögu félagsins.
„Ég mun hringja í hann, það er klárt. Hann óskaði mér til hamingju með árangurinn, fyrir það sem við áorkuðum. Það hefur mikla þýðingu fyrir mig. Hann er sá besti í þessu landi. Ég er svo ánægður."
Sir Alex Ferguson.
