Víkingur gerði með sannfærandi sigur við FH á Víkingsvellinum í kvöld. Heimamenn voru á toppnum þökk sé markatölu fyrir þessa umferð en komnir núna með þriggja stiga forskot á KR sem tapaði í dag.
Ármann Ingi Finnbogason er einn af nýjum leikmönnum Víkings þetta tímabil og lagði tvö mörk upp í 5-0 sigrinum á FH.
Lestu um leikinn: Víkingur R. 5 - 0 FH
„Mjög góður, fannst við geta skorað fleiri mörk, en við skoruðum fimm og héldum hreinu þannig það er bara drullu gott."
Ármann Ingi á ennþá eftir að skora í Bestu Deildinni en var mjög nærri því í einu færi sínu í dag. „Já ég átti að skora í dag en það hlýtur að koma í næstum leikjum. Ég held bara áfram að æfa og þá hlýtur þetta að koma."
Ármann Ingi spilaði síðasta tímabil í Lengjudeildinni með Grindavík en er uppalinn á Akranesi með ÍA. Hann er kannski ekki jafnstórt nafn og aðrir leikmenn í Víking en er heldur betur að stimpla sig vel inn liðið og spila mjög vel um þessar mundir. „Það er bara að koma af krafti inn í þetta, sýna það að ég get verið að spila hérna. Svo hafa þeir líka hjálpað mér að komast inn í þetta og það er ástæðan afhverju ég hef verið að spila svona vel. Síðan bara góðir liðsfélagar í kringum mig."
„Ég bjóst alveg við því að ég myndi vera á bekknum eða einhvað lán áður en ég kom, en síðan bara stóð ég mig gríðarlega vel á æfingum og sýndi að ég get alveg spilað í þeirri Bestu."
Viðtalið má sjá í heild sinni í spilaranum hér að ofan.
