Keflavík hefur undanfarinn áratug eða svo verið talsvert í því að koma upp í efstu deild og falla. Það er ákveðinn stöðugleiki en það er ljóst að Keflvíkingar væru alveg til í að festa sig í sessi í efstu deild.
Umræðan fyrir Íslandsmót var á þá leiðina að það vantaði stemningu í kringum Keflavíkurliðið, að ekki nægilega margir Keflvíkingar væru á leikjum liðsins og stemningin takmörkuð.
Fótbolti.net ræddi við Harald Frey Guðmundsson, þjálfara Keflavíkur, fyrir leikinn gegn Þór sem hefst klukkan 18:00 í kvöld á HS Orku vellinum.
Hvernig upplifir þú stemninguna í kringum liðið?
Umræðan fyrir Íslandsmót var á þá leiðina að það vantaði stemningu í kringum Keflavíkurliðið, að ekki nægilega margir Keflvíkingar væru á leikjum liðsins og stemningin takmörkuð.
Fótbolti.net ræddi við Harald Frey Guðmundsson, þjálfara Keflavíkur, fyrir leikinn gegn Þór sem hefst klukkan 18:00 í kvöld á HS Orku vellinum.
Hvernig upplifir þú stemninguna í kringum liðið?
„Stemningin hér og á flestum stöðum kemur með góðum árangri, það helst rosalega vel í hendur. Maður tekur alveg eftir því þegar við vinnum leik, þá kemur smá eftirvænting og meiri stemning í bæjarfélaginu einhvern veginn. Að sama skapi er það alveg í hina áttina líka, maður finnur alveg fyrir því þegar það gengur ekki eins vel, samfélagið er þannig séð frekar lítið og maður hittir mjög marga. Maður fær að heyra í báðar áttir þegar það á við."
„Auðvitað viljum við alltaf hafa fleira fólk á vellinum, en þeim til varnar hér þá þarf að mínu mati að fá betri aðstæður fyrir áhorfendur í Keflavík að mínu mati. Líka í Njarðvík. Mér finnst við vera komin svolítið langt á eftir þar og ég vona að það fari að gerast eitthvað í þeim málum. Það er búið að tala um það í langan tíma."
Hvað vantar upp á?
„Umgjörðina. Grasið er fínt, ekkert af því, en stúkan er sú sama og þegar við urðum Íslandsmeistarar '69. Það er auðvitað búið að bolta einhver sæti niður í gamla steininn. Það vantar að endurnýja, líka t.d. klósettaðstöðuna."
„Hjá flestum klúbbum er búið að fara í alvöru endurbætur, en við höfum setið svolítið á hakanum. Það er kannski eitthvað pólitískt mál milli Keflavíkur og Njarðvíkur og svo bæjaryfirvalda - varðandi hvernig eigi að útfæra þetta. En þetta hefur verið í umræðunni mjög lengi," segir þjálfarinn.
Besta karla
| Lið | L | U | J | T | Mörk | mun | Stig |
|---|---|---|---|---|---|---|---|
| 1. Víkingur R. | 7 | 6 | 1 | 0 | 21 - 4 | +17 | 19 |
| 2. KR | 7 | 6 | 1 | 0 | 27 - 13 | +14 | 19 |
| 3. Fram | 7 | 4 | 2 | 1 | 20 - 13 | +7 | 14 |
| 4. Breiðablik | 7 | 3 | 3 | 1 | 13 - 8 | +5 | 12 |
| 5. Valur | 7 | 4 | 0 | 3 | 16 - 14 | +2 | 12 |
| 6. KA | 7 | 3 | 1 | 3 | 9 - 9 | 0 | 10 |
| 7. ÍA | 8 | 2 | 3 | 3 | 11 - 16 | -5 | 9 |
| 8. Keflavík | 7 | 2 | 2 | 3 | 10 - 12 | -2 | 8 |
| 9. Stjarnan | 7 | 2 | 1 | 4 | 14 - 17 | -3 | 7 |
| 10. Þór | 7 | 2 | 0 | 5 | 6 - 19 | -13 | 6 |
| 11. FH | 7 | 0 | 2 | 5 | 12 - 20 | -8 | 2 |
| 12. ÍBV | 8 | 0 | 2 | 6 | 8 - 22 | -14 | 2 |
