Wolfsburg 0 - 0 Paderborn
Rautt spjald: Jonah Sticker, Paderborn ('94)
Rautt spjald: Jonah Sticker, Paderborn ('94)
Wolfsburg og Paderborn áttust við í fyrri úrslitaleik liðanna um sæti í efstu deild þýska boltans fyrir næstu leiktíð.
Wolfsburg endaði í þriðja neðsta sæti Bundesliga þökk sé sigri í lokaumferðinni og spilar því umspilsleiki við Paderborn sem endaði í þriðja sæti í næstefstu deild, 2. Bundesliga.
Wolfsburg var talsvert sterkari aðilinn í dag og fékk mikið af góðum færum, en gestirnir frá Paderborn vörðust af miklu hugrekki og fengu eitt gott færi til að skora á lokakaflanum en boltinn náði ekki að fara yfir marklínuna.
Christian Eriksen var í byrjunarliði Wolfsburg og var meðal þeirra sem komust nálægt því að skora, en enginn fann leið framhjá Dennis Seimen markverði, svo lokatölur urðu 0-0.
Wolfsburg var á heimavelli í kvöld og eigast liðin við í seinni leiknum í Paderborn næsta mánudagskvöld.
21.05.2026 05:55
Þýskaland í dag - Fyrri úrslitaleikurinn er í kvöld
