Ásgeir Orri Magnússon.
„Mér líður bara mjög vel. Þetta er gríðarlega mikilvægur sigur," sagði Ásgeir Orri Magnússon, markvörður Keflavíkur, eftir 1-0 sigur gegn Þór í Bestu deildinni í kvöld.
Keflavík hafði undirtökin framan af en undir lokin voru Þórsarar hættulegir.
Keflavík hafði undirtökin framan af en undir lokin voru Þórsarar hættulegir.
Lestu um leikinn: Keflavík 1 - 0 Þór
„Við vorum að suffera dálítið síðustu 30 mínúturnar en ég er afar sáttur við leikinn."
Undir lokin fékk Þór vítaspyrnu þegar Ásgeir Orri braut af sér. Gestunum tókst hins vegar ekki að skora þar sem boltinn fór í stöngina.
„Ég var ansi hræddur, ég ætla ekki að ljúga því. Við vorum búnir að vera góðir í vörninni en svo kem ég út og gef víti. Það er aldrei góð tilfinning. Auðvitað var ég stressaður eftir að hafa gefið víti á lokamínútunni, en ég reyndi að vera yfirvegaður."
Það var góð tilfinning þegar boltinn fór ekki í netið. „Það var þvílíkur léttir, þvílíkur léttir."
„Þetta var sex stiga leikur," sagði Ásgeir Orri en hægt er að sjá allt viðtalið við hann í spilaranum hér að ofan.
