KA tapaði gegn Val á heimavelli í Bestu deildinni í dag. Fótbolti.net ræddi við Hallgrím Jónasson, þjálfara KA, eftir leikinn.
Lestu um leikinn: KA 0 - 1 Valur
„Frekar góð frammistaða hjá KA liðinu í dag. Þeir skjóta í stöng og boltinn dettur beint fyrir þá, svo skutum við í stöng og þá dettur boltinn ekki fyrir okkur. Ég er ánægður með spilið að mörgu leyti. Við þurftum að hugsa meira fram á við í fyrri hálfleik þegar við unnum boltann," sagði Haddi.
„Heilt yfir gerðum við nóg til að skora, áttum tuttugu skot og komumst oft á síðasta þriðjung. Við þurfum að vera beittari og hættulegri þar. Boltinn dettur tvisvar fyrir okkur í seinni hálfleik en við náum ekki að koma honum á markið. Manni líður eins og maður átti ekki að tapa þessum leik. Varnarleikurinn er góður en við þurfum að fá meira bit fram á við."
Haddi hefur oft verið mjög ósáttur með framlag leikmanna í sumar en var sáttur í dag.
„Þetta er sennilega besta frammistaðan á heimavelli og þess vegna er svekkjandi að tapa. Manni líður miklu betur með svona tapleiki heldur en þegar menn leggja sig ekki fram. Mér fannst hugsunin hvernig við pressuðum ganga fullkomlega upp. Erum á heimavelli og náum tuttugu skotum á markið og við áttum að skora."
