„Mér líður ekkert sérstaklega vel, þetta var erfiður leikur og ekki gott tap" sagði Jökull Elísabetarson, þjálfari Stjörnunnar eftir 1-0 tap á heimavelli gegn Fram í Bestu Deildinni.
Lestu um leikinn: Stjarnan 0 - 1 Fram
Var frammistaðan léleg í dag?
„Ekki eitthvað hræðileg, það vantaði helst orku og spirit, það er það helsta. Að einhverju leyti getur það tengst sjálfstrausti og eitthvað svoleiðis, ég held að það hafi helst vantað. Menn voru að leggja sig fram og maður var að reyna og við verðum að finna einhverja leið til að lyfta því upp."
Eitt stig í sex leikjum, eru þetta sömu vandamálin að koma aftur og aftur?
„Nei, það finnst mér ekki. En þegar það er, þá liggur vandinn yfirleitt á sama stað og það er eitthvað sem við þurfum að skoða."
Hefurðu áhyggjur af stöðunni?
„Já já, það væri skrýtið að gera það ekki. Ég held að staðan er orðinn frekar slæm og það er bara ljóst."
Er komin á pressa á þig?
„Örugglega. Ég svara því eins og fyrir tveimur vikum eða þremur vikum eða hvenær sem ég fékk þessa spurningu fyrst. Ég vil gera betur, ég vil hjálpa liðinu gera betur og hvort að önnur pressa komi, skiptir minna máli. Það er pressa innan frá mér og okkur sem hópur er bara næg. Þannig já það er pressa."
Fullt viðtal í spilaranum fyrir ofan
