Eric Bailly, varnarmaður Manchester United, greindist með Covid-19 veiruna þegar hann var í landsliðsverkefni með Fílabeinsströndinni.
Þetta staðfesti Ole Gunnar Solskjær, stjóri United, eftir sigurleik United í kvöld gegn Brighton. Þar liggur útskýringin af hverju Bailly var ekki í hópnum í kvöld.
Harry Maguire og Victor Lindelof spiluðu í hjarta varnarinnar hjá United og þá var Axel Tuanzebe á varamannabekknum.
Bailly, sem kom til United árið 2016, verður því eitthvað frá á næstunni og óljóst hvenær hann verður klár aftur í slaginn.
Orðrómur var uppi um daginn að hann vilji fara frá United en hann vill fá meira traust frá Solskjær. Bailly þótti spila vel fyrir liðið í byrjun árs en var síðan settur á bekkinn þegar Lindelof var klár aftur eftir meiðsli.
Ole confirms Eric Bailly tested positive for COVID-19 while on international duty.
— Manchester United (@ManUtd) April 4, 2021
Wishing you a speedy recovery, @EricBailly24 — we hope to see you soon ❤#MUFC pic.twitter.com/b50Gq76A22
Athugasemdir