Ísland spilaði ekkert sérstaklega vel gegn Færeyjum í vináttulandsleik í kvöld en vann þó 1-0 sigur. Færeyingar eru súrir eftir þessi úrslit enda áttu þeir líklega meira skilið úr leiknum.
Hér má sjá einkunnagjöf íslenska liðsins úr leiknum.
Hér má sjá einkunnagjöf íslenska liðsins úr leiknum.
Ögmundur Kristinsson - 7
Varði vel úr besta færi Færeyinga og gerði allt annað ágætlega.
Alfons Sampsted - 6
Hefði mátt gera betur sóknarlega, var ágætur varnarlega en stundum í smá brasi.
Hjörtur Hermannsson - 7
Traustur varnarlega og greinilega með fínt sjálfstraust eftir Danmerkurmeistaratitilinn.
Brynjar Ingi Bjarnason - 6
Gaman að sjá frammistöðu hans í þessum tveimur óvæntu landsleikjum.
Valgeir Lunddal Friðriksson - 6
Nokkuð traustur varnarlega en hefði mátt hafa meira fram að færa sóknarlega.
Birkir Bjarnason - 8, maður leiksins
Traustur í því sem hann gerði, öflugur og með mikla vinnslu. Átti lykilsendingu í marki Íslands og lagði upp dauðafæri Kolbeins í fyrri hálfleik.
Aron Einar Gunnarsson - 7
Fyrirliðinn traustur að vanda og hafði lítið fyrir hlutunum á miðjunni.
Ísak Bergmann Jóhannesson - 5
Hefði mátt koma meira út úr vonarstjörnunni, náði ekki að fylgja eftir góðri frammistöðu gegn Mexíkó.
Jón Daði Böðvarsson - 5
Átti lykilsendingu í besta færi Íslands í fyrri hálfleik en annars tíðindalítill leikur hjá Jóni Daða.
Jón Dagur Þorsteinsson - 6
Fann sig betur í seinni hálfleik og var þá sprækur.
Kolbeinn Sigþórsson - 5
Virkar í fínu formi en hefði mátt skora úr besta færi leiksins í fyrri hálfleiknum.
Varamenn:
Albert Guðmundsson 6 ('46)
Mikael Anderson 7 ('62)
Stefán Teitur Þórðarson 5 ('62)
Athugasemdir