„Við erum búnir að leikgreina íslenska liðið í ræmur. Þeir eru með mjög gott lið og eru sérstaklega góðir í föstum leikatriðum," sagði Shevchenko.

„Ísland spilaði vel í undankeppni EM og kom svo öllum á óvart í Frakklandi og átti mjög gott mót. Íslendingar munu mæta til leiks með sjálfstraustið í botni.

„Það er gott fyrir okkur að Kolbeinn Sigþórsson spili ekki enda er hann góður sóknarmaður, en Aron Einar Gunnarsson er fyrirliði liðsins og besti leikmaður þess, enda mikill leiðtogi."

Shevchenko segir undanriðilinn vera afar spennandi þar sem ekki sé hægt að búast við öruggum sigri gegn neinum af andstæðingunum. Þá bendir hann einnig á mikilvægi þess að leikmenn hans séu grimmir og sýni mikla baráttu gegn Íslandi, sérstaklega í loftinu og í seinni boltum.