Starfsmönnum KSÍ var tilkynnt um uppsögn Gunnars á starfsmannanfundi og kom uppsögnin mörgum í opna skjöldu að sögn 433.is. Gunnar var sagður traustur samstarfsmaður og var í stóru hlutverki innan sambandsins.

„Ástæðan fyrir uppsögn Gunnars er skipulagsbreyting, við erum alltaf að endurskoða hvernig við getum höndlað okkar mál,“ sagði Klara Bjartmarz, framkvæmdarstjóri KSÍ í samtali við 433.is í dag.

„Við erum alltaf að skoða ferðakostnað og þau mál, sumum verkefnum er kannski betur komið fyrir á öðrum stöðum,“ sagði Klara við 433.is og átti þar við að KSÍ skoði að setja einhver verkefni í hendur annara aðila sem starfa ekki hjá KSÍ.

Áður fyrr starfaði Gunnar sem fjölmiðlafulltrúi hjá KSÍ en hann var einnig lengi aðstoðardómari í efstu deild á Íslandi.