„Þetta var baráttusigur. Þetta var klikkaður leikur og við vorum heppnar að Garðar Örn dæmdi þennan leik vel," sagði Ásgerður Stefanía Baldursdóttir leikmaður Stjörnunnar eftir 2-1 sigur á Breiðabliki í 16-liða úrslitum Borgunarbikarsins í kvöld.
Lestu um leikinn: Stjarnan 2 - 1 Breiðablik
Ásgerður fékk gula spjaldið í síðari hálfleiknum fyrir að vera með vatnsbrúsa í hendinni á hliðarlínunni þegar hún fékk boltann.
„Ég vissi ekkert af þessari reglu. Ég var að fá mér að drekka og taka verkjatöflur og var með brúsann í hendinni. Ég kenni Bryndísi um, hún gaf á mig."
Hér að ofan má sjá viðtalið í heild sinni en þar talar Ásgerður meðal annars um leikinn gegn Breiðabliki í Pepsi-deildinni í næstu viku.
