Mikael Egill Ellertsson verður í hópnum hjá U21 árs landsliðinu gegn Grikklandi á þriðjudag og verður því ekki með A-landsliðinu gegn Þýskalandi á miðvikudag.
Mikael er nýliði í íslenska A-landsliðinu en hann hefur þó ekki spilað mínútu í fyrstu tveimur leikjunum í þessum glugga.
Arnar Þór Viðarsson og Eiður Smári Guðjohnsen, þjálfarar A-landsliðsins, hafa því ákveðið að leyfa honum að spila með U21 árs landsliðinu gegn Grikklandi á þriðjudag.
Hjalti Sigurðsson, leikmaður Leiknis R., kemur einnig inn í hópinn hjá U21 en Brynjólfur Andersen Willumsson og Finnur Tómas Pálmason verða ekki með vegna meiðsla.
U21 árs landsliðið hefur aðeins spilað einn leik í undankeppni EM en sá leikur vannst gegn Hvíta-Rússlandi á dögunum, 2-0.
Mikael Egill Ellertsson færist úr A landsliðinu yfir í U21 liðið fyrir leik þess gegn Grikklandi á Fylkisvelli á þriðjudag. Leiknismaðurinn Hjalti Sigurðsson kemur einnig inn í U21 hópinn. Finnur Tómas Pálmason og Brynjólfur Darri Willumsson verða ekki með U21 vegna meiðsla. pic.twitter.com/JSxURZtpNS
— Knattspyrnusambandið (@footballiceland) September 5, 2021
Athugasemdir