Víðir Garði hefur tilkynnt komu spænska miðjumannsins Dani Benéitez sem mun leika með félaginu í sumar.
Dani er 24 ára gamall og hefur leikið í heimalandinu allan ferilinn. Á unglingsárunum var hann partur af akademíu Villarreal og æfingahóp yngri landsliðs Spánar en hann lék fyrir CD Tuilla í fyrra sem er lið í fimmtu efstu deild þar í landi.
Í tilkynningunni er Dani lýst sem teknískum miðjumanni og verður áhugavert að fylgjast með honum í 3. deildinni í sumar.
Víðir endaði í 4. sæti 3. deildar í fyrra, með 35 stig. Liðið var lengi vel í titilbaráttunni en tapaði svo fjórum af síðustu fimm leikjum deildartímabilsins.
Athugasemdir