Atvikið átti sér stað þegar tíu mínútur voru eftir af leiknum. Salah var þá með boltann rétt fyrir utan vítateigs Porto og var að reyna að þræða sig í gegnum vörn andstæðingsins.

Það gekk ekki betur en svo að Egyptinn missti boltann aðeins of langt frá sér og í fætur Danilo Pereira, fyrirliða Porto. Salah ætlaði að reyna að ná boltanum aftur en fór þá með vinstri fótinn beint ofan á sköflunginn á Pereira.

Phil Dowd, fyrrum dómari í ensku úrvalsdeildinni, segir augljóst að Salah hefði átt að fjúka útaf fyrir brotið.

„Salah var aldrei að fara að ná boltanum til baka og hvernig hann kemur inn í þessa tæklingu verðskuldar beint rautt spjald," sagði Dowd.

Liverpool vann 2-0 sigur og er í góðum málum fyrir seinni leikinn.