Það hefur verið mikið vesen í kringum Spánverja eftir að Sergio Busquets fyrirliði greindist með Covid. Diego Llorente, varnarmaður Spánar og Leeds, greindist svo með Covid í kjölfarið og var útlitið þá að verða ansi svart.

Llorente fór þó í aðra skimun í gær og þá var niðurstaðan neikvæð. Hann mun þurfa að fara aftur í skimun áður en hann getur byrjað að æfa en hann var líklegast aldrei með Covid.

Það getur komið fyrir að Covid skimun gefi ranga niðurstöðu og vona Spánverjar innilega að það sé raunin.

Spánn er í riðli með Svíþjóð, Póllandi og Slóvakíu og er fyrsti leikur á mánudaginn.

Sjá einnig:
Annað smit í herbúðum Spánar - Tvær búbblur
Ellefu bætast við búbblu Spánverja