Arnar Grétarsson.
Arnar Grétarsson er núna orðaður við þjálfarastarfið hjá Kolding í Danmörku.
Fram kom í hlaðvarpinu Dr Football að Arnar sé einn þriggja sem komi til greina í starfið.
Fram kom í hlaðvarpinu Dr Football að Arnar sé einn þriggja sem komi til greina í starfið.
„Það sem Danirnir segja er að hann er á þriggja manna lista," sagði Hjörvar Hafliðason, þáttastjórnandi Dr Football.
Arnar var síðast þjálfari Vals en var rekinn úr starfi í ágúst vegna óviðunandi árangurs.
Hann fundaði nýverið með HK og hafnaði því að taka við sem þjálfari Karmiotissa á Kýpur.
Áður en hann tók við Val, þá stýrði Arnar KA með góðum árangri. Þá var hann einnig þjálfari Roeselare í Belgíu og Breiðabliks. Hann starfaði þá sem yfirmaður fótboltamála hjá stórum félögum á borð við AEK Aþenu og Club Brugge.
Kolding er sem stendur í sjöunda sæti dönsku B-deildarinnar en Ari Leifsson er á mála hjá félaginu.
Athugasemdir
