Heimild: Þungavigtin
Kristján Óli Sigurðsson sagði frá því í Þungavigtinni að Arnar Grétarsson hefði hafnað tækifærinu á að taka við sem þjálfari kýpverska liðsins Karmiotissa FC.
Arnar hefur verið án starfs frá því að hann var rekinn frá Val snemma í ágúst.
Arnar hefur verið án starfs frá því að hann var rekinn frá Val snemma í ágúst.
Kristján Óli segir að Arnari hafi staðið til boða að taka við liðinu af Sofronis Avgousti sem nýlega var ráðinn þjálfari kýpverska landsliðsins.
Karmiotissa endaði í 10. sæti á síðasta tímabili og er í 10. sæti eftir átta leiki á þessu tímabili.
Arnar er með reynslu af því að þjálfa í Grikklandi sem er nágrannaþjóð Kýpur. Arnar var leikmaður AEK Aþenu á árunum 1997-2000 og starfaði svo sem yfirmaður fótboltamála hjá félaginu 2010-12.
Hann er þessa dagana orðaður við HK sem er eina liðið í efstu tveimur deildum karla sem er án þjálfara.
Athugasemdir
