Thiago kom Brentford aftur yfir þegar stundafjórðungur var til loka venjulegs leiktíma en það var smá heppnisstimpill yfir því marki. Michael Kayode átti skot sem fór í Thiago og boltinn breytti um stefnu og Pickford átti því ekki möguleika í að verja.

Thiago hefur skorað 21 mark í deildinni en aðeins Erling Haaland hefur skorað fleiri mörk eða 22. Hann hefur ekki skorað deildarmark í tvo mánuði.

Everton hefði getað jafnað metin stuttu síðar þegar það voru miklir samskiptaörðuleikar í öftustu línu Brentford en Caoimhin Kelleher kom boltanum frá að lokum.

Everton hélt áfram að pressa á vörn Brentford og undir lokin tókst heimamönnum ekki að koma boltanum frá. Hann barst til Kiernan Dewsbury-Hall sem skoraði og bjargaði stigi fyrir Everton.

Brentford er í 7. sæti og Everton í 8. sæti en bæði lið eru með 47 stig, stigi á eftir Chelsea og tveimur stigum á eftir Liverpool sem mætir Fulham á eftir.

Brighton er stigi á eftir Brentford og Everton eftir sigur á Burnley.

Mats Wieffer var hetja Brighton en hann skoraði bæði mörk liðsins. Burnley er 12 stigum frá öruggu sæti þegar 18 stig eru eftir í pottinum en óheppnin elti liðið í dag þar sem tvö mörk voru dæmd af vegna rangstöðu.

Brentford 2 - 2 Everton
1-0 Igor Thiago ('3 , víti)
1-1 Beto ('26 )
2-1 Igor Thiago ('76 )
2-2 Kiernan Dewsbury-Hall ('90 )

Burnley 0 - 2 Brighton
0-1 Mats Wieffer ('43 )
0-2 Mats Wieffer ('89 )